النكت المغربية

هدي واحد البنت خايبة، شافها واحد الراجل من الخلف وقال ليها: فين الغزال. وهي تدور وقالت: علاه الغزال فحال هكدا.



هدي واحد الطباخة ديال الاعراس، مرضت بالذخان ديال الفاخرـ الفحم،مشات للسبيطار، ملي فاقت، قال ليها الطبيب: شكون أنا. قالت: أنت السفة. قال ليها: إلا عشتي دردري علي القرفة.


هدا واحد البخيل مشى للسوق الاسبوعي، وطلب كيلو ديال الكبدة مشوية، وهما يوقفو عليه الاهل ديالو، أهلا سي بوشعيب، وهو يغمض عين وقال ليهم؛ علاه السي بوشعيب عور.


هذا واحد السيد مركب أمه على ظهره وتيطوف بيها في الحج، التقى بصديقه، وقال ليه فين أمك، جاوبو:أمي أنا زوجتها، وهي تدور فيه أمه: يانزلني يا المسخوط.


هدا واحد السيد دائما تيمشي للقهوة مع صحابو، ولكن متيخلصش ، واحد النهار أتفقو الاصدقاء باش كل واحد يخلص على راسو، وهو يدور فيهم: واو سميتوني راسو، كلكم باغين تخلصو علي.


هدا مواطن بغا يصوب جواز سفر، دار فيه المقدم وقال ليه : تسنى مشفتيش الزحام،( مع العلم أنه لايوجد أحد)، المواطن هز كرسي وضربو بيه، المقدم قال : آي شكون ضرب، جاوبو المواطن: آخاي مع الزحام معرفتش شكون اللي ضرب.


هدا واحد الزعيم حزبي قال ليهم: شحال تعطوني و نحيد لكم الرشوة.

هذا واحد الشلح تزوج ، مشى يدوز شهر العسل في أكادير ، وخلى مراتو في المحلبة.

الاستاذ: اعطوني حيوان بر- مائي.
التلميذ: الكسال ديال الحمام.
الاستاذ: اعطوني حيوان صبور.
التلميذ: طالب معاشو- حمال.
الاستاذ: اعطوني حيوان معندوش الاسنان .
التلميذ: جدتي.
الاستاذ: اعطوني حيوان يوقظنا في الصباح.
التلميذ: أمي.



هذا واحد الطفل، جن،تايطير( فحال زواق)، ضربو طوبيس الزهراوي، الناس قالوا:الله على راحه، شويا وهو يخرج ليهم من الشاكمة، وقال ليهم:أنا باقي.



المطرب الشعبي الستاتي، شدوه الجدارمية، فقال ليهم ماعرفتونيش، أنا هو السماوي، فجاوبوه:أحنا هما صحاب الحال.

قالوا ليه ما رأيك في الاستاد محمد عبد لوهاب ، فأحاب: مابيهش.




هذا واحد الدكالي ، شارجا الكاميو ببطاطا، ومشى يبيعوا في كازا،طلع فوق الكاميو يرتاح، وهي توقف عليه واحد السيدة آية في الجمال، ركباتو معها في السيارة، وداتو للفيلا، دخلاتو للغرفة ديالها، يلاه بغا يتمدد فوق السرير وهو يتهرس بيه وطاح من فوق الكاميو ديال البطاطا